Online Reporter
Nkosilathi Sibanda
IQEMBU lelizwe kumdlalo wokuqaga, amaGems, liphezulu kwamalungiselelo alo eCeltic Cup ezadlalelwa eScotland.
ICeltic Cup le izadlalelwa enkundleni ye-Emirates Arena edolobheni leGlasgow, kusukela mhlaka 26 Lwezi kusiya ku 30 Lwezi. Amanye amazwe azadlala yiNorthern Ireland, Scotland, Wales, Uganda leNamibia.
Kumalungiselelo la, amaGems aphatheke kumidlalo yobungane eSunrise Sports Club, eHarare kusukela ngoLwesine isiyaphela ngoMgqibelo.
Imidlalo yobungane le inikeze abadlali isikhathi sokuthi baziqinise lokuthi umqeqetshi ahlolisise lapho okumele alungise khona. Kumidlalo yobungane le, amaGems adlala leqembu labasakhulayo, iZambezi Eagles, leMalawi Queens.
Kumncintiswano weCeltic Cup odluleyo, iZimbabwe yadlala kuhle, yaqeda ilemendulo yethusi. Lonyaka izafisa ukuthi yengeze ngokuphenduka ilemendulo yesiliva, kumbe iphumelele ngokuthola igolide.
