Online Reporter
Mbulelo Mpofu
NGOMGQIBELO, uMongile Moyo, Kelsey Chirungwa, Nokutenda Nyamakwere, Rutendo Zimondi, Shalom Geza, Ashanthelle Chapenga, Princess Masters, Natasha Mabwe, Angela Ncube, Tadiwanashe Manene, Nomvelo Mpofu, Nokutenda Bungu, loRutendo Mapfumo ngabanye balabo abazalwela isicoco sikaMiss Teen of the Universe Zimbabwe (MTOUZ).
Inhlanganiso ye-National Gallery of Zimbabwe eHarare izaphatha lumcimbi wokutayila ngaphansi kwendikimba ethi, “Ukuthuthukisa Umntwana Wamantombazana Ngokuthuthukisa Amasiko kanye Lamagugu kuVision 2030.”
Umqondisi welizwe weMTOUZ, uMthokozisi Masuku, uthe amalungiselelo asesezingeni eliphezulu njengoba sekuvezwe iqula labehluleli.
“Sihlanganisa amalungiselelo omdlalo wokucina wangoMgqibelo futhi kuyangijabulisa ukutsho ukuthi sihamba ngendlela eyiyo. Sesilinde ukwethesa isicoco sendlovukazi yethu entsha njalo kuhle ngoba abazancintisana sebefikile ku-bootcamp,” kutsho uMasuku.
Ithimba lamajaji lihlanganisa uQuinn Sowa, umsunguli kunye lomqondisi we-Rugare Medical Renal Unit, Langelihle Sibanda, owake waba ngumkhangisi loMiss Universe Zimbabwe 1996, ophinde abengumsunguli weHouse of Langa; Anitta Neshiri umongameli we-Girl Talk Zimbabwe loSicelo Dube, owaziwa ngelika The STEM Lady.
Amanye amajaji ngusomabhizimusi uSindiso Ndlovu, owake waba yindlovukazi u-Hildah Mabu, Manny Nkiwane, loMitchelle Tshuma, umsunguli weHope Restorers Academy.
Umcimbi lo uthole usekelo olukhulu kunhlanganiso yeMy Afrika Magazine, ZimTickets, House of Langa, Moments in Time Photography, Mrs Sinkwa, City Link, Rumor Magazine, lezinye.
“Sethule umqhele owakhiwe kuleli, ikanti amatikiti ethu atholakala lula kuZimTickets,” kwengeza uMasuku.
Umncintiswano we-MTOUZ usebenza njengenkundla ebalulekileyo yamantombazana aleminyaka engu-15 kusiya ku-20 yokuzalwa, ukuze abonise hatshi nje amathalenta awo okutayila, kodwa lamazwi awo endabeni eziphatha umphakathi.
I-MTOUZ iyinhlanganiso yelizwe lonke njalo umncintiswano kaMiss Teen of the Universe womhlaba wonke wasungulwa e-India ngu-Sourav Anand. – Landela kuX @MbuleloMpofu
