admin
YiNtatheli kaMthunywa
OKWAKUQALA okumele ukwenze yikukhetha imihlobo yezihlahla zezithelo ofisa ukuzihlanyela endaweni yakho.
Lokhu kuzakuya ngokuthi indawo yakho injani, inhlabathi yakhona injani, umkhathi kanye lokubakhona eduzane kwamanzi.
Izihlahla zezithelo zidinga inhlabathi ejulileyo nanko phela impande zazo ziyatshona kakhulu. Ungahlola ukutshona kwenhlabathi yakho ngokugebha amagodi angatshona okwe 2 meters ukuze ubone ukuthi kungabe kulenhlabathi eyisidaka ngaphansi.
Amanzi afakwe emagodini kumele abe esengenile phansi ekuseni nxa lokhu kungenzakali dinga enye indawo yokuhlanyela izihlahla zakho.
Okulandelayo okumele ukwenze yikuthi uthathe inhlabathi engatshona okwe 30 kusiya ku 45 cm ukuze iyehlolwa ukuthi ingabe ilokudla okuhle na okuzakwenza wazi ukuthi kumele ufake ifethilayiza mhlobo bani.
Hlanyela izihlahla zakho endaweni eyehlileyo. Ukuhlanyela kundawo eyehle kakhulu kungenza izithelo zakho zihlaselwe ngungqwaqwane njalo kwenza kube nzima ukuthi uzifafaze imithi kanye lokuvuna.
Yenza isiqinisekiso sokuthi izihlahla zakho zihlanyelwe endaweni elamanzi eduzane. Zinengi indlela ongazisebenzisa ukuthelela okungagoqela ama-furrows, ama-sprinklers, ama-drip lines kanye lokuthelela ngamabhakede. Nxa uhlanyela izihlala zakho, gebha amagodi atshona okwe 60 centimetres kusiya kumitha eyodwa. Faka umquba.
Kumele ufake ifethilayiza yohlobo lwe superphosphate kanye le compound D kumbe u- X.
Indawo lapho ohlanyele khona izihlahla zakho kumele ihlale ingelakhula kumbe utshani nje. Phakathi laphakathi kwezihlahla ungahlanyela iloni kumbe uhlanyele imibhida oyithandayo.
Lokhu kusiza ngokuthi kwenza indawo yakho ihlale imanzi njalo ivundile.
Online Reporter