YiNtatheli kaMthunywa
AMAPHOLISA akuleli asekuqinisekisile ukutholakala kwesidumbu sendoda esolwa ngokudubula ibulale umfundi weMidlands State University (MSU) eSenga, eGweru, ngoLwesine olwedluleyo.
Esitatimendeni, amapholisa athe endaweni okwenzakale kuyo isehlakalo lesi kutholakale umbhobho olenhlamvu ezintathu.
“Kucala lokubulalwa kukaLisedi Nkomo (25), owadutshulwa endlini ayehlala kuyo eSenga, eGweru, ngowayengumyeni wakhe, uGodknows Muleya (30).
“I-ZRP iqinisekisa ukutholakala kwesidumbu sikaGodknows Muleya endlini yezihambi eseChiredzi mhlaka 10 Mfumfu 2026,” kutsho amapholisa esitatimendeni.
Kucatshangelwa ukuthi umsolwa uzidubule ekhanda.
“Kutholakale umbhobho olenhlamvu ezintathu lolunye olusebenzileyo lapho okwenzakale khona isehlakalo lesi. Uphenyo luyaqhubeka ukuze kutholakale izizatho ezibangele ukufa kwakhe,” kutsho amapholisa.
