Amapholisa aveza amabizo ezimbamgodi zeSilobela

In a statement, National Police spokesperson Commissioner Paul Nyathi confirmed the incident. “The ZRP confirms a mine accident which occurred on November 5, 2025 at Auriga 47 Mine, Base Mineral Block, Nzwananzwi Village, Silobela."

Midlands Bureau

AMAPHOLISA asekhiphe amabizo ezimbamgodi eziyisikhombisa ezedlula emhlabeni ngemva kokudilikelwa ngumgodi, owagcwala amanzi.
Isehlakalo lesi senzakale ngoLwesithathu ngeviki edluleyo e-Auriga 47 Mine, Base Mineral Block, esiqintini seNzwananzi, eSilobela.

Izidumbu zikhitshwe ngoLwesihlanu.
“Izimbamgodi eziyisikhombisa ezedlula emhlabeni nguBillion Bhebhe, Oscar Bafana, Amos Bafana, John Dube, Albert Nhengure loQhubekani Mahlube, bonke abavela eNazareth Village, eNtobankala ngaphansi kwenduna uMalisa kunye loMkhululi

Moyo oweNzwananzi Village ngaphansi kwenduna uSigodo eZhombe,” kutsho umbiko wamapholisa.
Kusenjalo, uHulumende ubike ukuba uzaphathisa ekungcwatshweni kwezimbamgodi lezi ngokuthenga amabhokisi, ukudla lezimota zokuhambisa.

Ummeli weSilobela ePhalamende uJona Nyevera uphathise ngemali engange-US$1 000 kunye lokufaka itende ngesikhathi kukhitshwa izidumbu. Uphinde wanikeza imuli inye ngayinye i-US$200.