Online Reporter
Zimpapers Sports Hub
UMONGAMELI uMnangagwa izolo utshengise usekelo lwakhe olukhulu kuqembu lamaWarriors ngokuwapha isipho semali engange US$400 000.
Iqembu lelizwe kumdlalo wenguqu lizancintisa kumqhudelwano we-Africa Cup of Nations (Afcon) 2025 ezadlalelwa eMorocco.
Isipho sikaMongameli uMnangagwa sethulwe nguMphathintambo wezemidlalo wogatsha lweSport, Recreation, Arts and Culture u-Anselem Sanyatwe, ngesikhathi kuvaleliswa amaWarriors eHarare, ngoMvulo kuliviki.
USanyatwe uthe umdlalo wenguqu ulamandla okuletha ukuthula lokubambana.
“Ake ngilazise ngokuziqhenya ukuthi uMongameli welizwe leZimbabwe ukhiphe i-US$400 000 esikhwameni sehofisini yakhe, hatshi ku-fiscus, ezasetshenziswa ngamaWarriors ku-Afcon,” nguSanyatwe lo.
“UMongameli njalonje uhlala ekhuluma ngokubaluleka kwezemidlalo ekuphakamiseni ilizwe, ukuthuthukisa intsha lokuletha ukubambana lokuthola.”
Kusenjalo, sekulabanye abadlali asebelimele enkambeni yamaWarriors.
Kubikwa uJordan Zemura ulimele wephuke umlenze ngesikhathi iqembu lakhe le-Udinese linqotshwa yiGenoa 2-1 ngoMvulo.
Umqeqetshi uMarian Maranica ukhalaza njalo langokuqina kukamsekeli kakaputeni uMarshall Munetsi, okubikwa ulakho ukuhlala amaviki amathathu ehlezi.
AmaWarriors azadlala ekuqoqo likaB lamazwe abalisela i-Egypt, South Africa le-Angola. Umqhudelwano uqalisa mhlaka 22 Mpalakazi 2025, usiyaphela mhlaka 18 Zibandlela 2026.
