Online Reporter
Nkosilathi Sibanda
IMIDLALO ye2026 Fifa World Cup Qualifiers iyaqhubeka lamuhla lapho iqembu lelizwe amaWarriors akhangelelwe ukuthi aphume lokugcono kumdlalo leRwanda, ngoLwesibili, ngehola lesithathu emini.
Umdlalo usenkundleni ye-Orlando, eGoli.
AmaWarriors adlalela phetsheya ngoba kuleli akulankundla ezilungele ukuphatha imidlalo yaleli zinga.
Lo, kuzabe kungumdlalo ongatsho lutho ngoba amaWarriors kasoke afike kuWorld Cup kulandela ukunqotshwa kwawo 1-0 yilizwe leBenin ngoLwesihlanu ngeviki edluleyo.
IRwanda izafuna ukuthi iqinise umkhankaso wayo kodwa, lawo amaWarriors adinga ukuthi aphume elenhlonipho ngokunqoba.
Kusenjalo, inhlanganiso yeZimbabwe Football Association (Zifa) isicele izizalwane zakuleli ezihlala eGoli ukuthi zigcwalise inkundla, zisekele amaWarriors.
AmaWarriors azemukela uMarshal Munetsi. UMarvelous Nakamba, Teenage Hadebe loDivine Lunga bazabe bengekho, kulandela ukuthola kwabo amakhasi alithanga kumdlalo odluleyo.
