Online Reporter
Langalakhe Mabena
UVELEMPINI Ndlovu, obengumaneja kamhlabeleli uSikhosana Buhlungu, ubika ukuba useqamule ubudlelwano lomculi lo.
UNdlovu ubengumaneja kaSikhosana okwenyanga ezinhlanu njalo ubengumaneja wesibili ukwehlukana lomhlabeleli lo. Owakuqala kwakungu Madlela
Sikhobokhobo, abaxabana ngoNcwabakazi nyakenye.
UNdlovu wethule umbiko ngokwehlukana loSikhosana.
“Ngithanda ukubika ukuba sengitshiye ukuba ngumaneja kaSikhosana Buhlungu,” kutsho uNdlovu.
“Angisoke ngichaze okunengi ngalokhu. Ngicela ukuthi kuhlonitshwe ukuthula kwami labo bonke abathinteke kulokhu. Ngimfisela konke okuhle uSikhosana.”
Engaphansi kukaNdlovu, uSikhosana wenelisa ukukhuphukisa umculo wakhe, waze wathola ithuba lokuhlabela loBlack Diva.
