Online Reporter
Nkosilathi Sibanda
UMQEQETSHI weHighlanders uPieter De Jongh usecele abalandeli beqembu lakhe ukuthi babizane ngobunengi bangene enkundleni yeBarbourfields ngeSonto, lapho abazadlala khona leScottland kuhlandla le-quarter final yeChibuku Super.
Umqeqetshi lo sowake wayithwala inkezo yeChibuku Super leHighlanders ngo2019 njalo ubika ukuba uzaphinda ukuthi mothu, kunkezo efanayo. Uthe ukugcwala kwabalandeli beBosso kuzayichumisa iScottland njalo kumele baphume lemiklomelo yonke.
“Ngilindele ukubona inkundla igcwele phamu, sithole usekelo kubalandeli bethu. Silabalandeli boqobo. IScottland ingabe ilabadlali abangcono kodwa thina sikholwa ngesilakho,” kutsho lumqeqetshi ngoLwesine ekhuluma lentatheli zemidlalo mayelana ngamalungiselelo akhe omdlalo ozayo.
NgoLwesithathu kuliviki uDe Jongh uhambise iqembu kumdlalo we-bowling kwenye indawo esenzikini yedolobho lakoBulawayo. Ubike ukuba lokhu kuqinisa ubudlelweno phakathi kwabadlali labaqeqetshi.
Imidlalo yama-quarter final eChibuku Cup:
NgoMgqibelo: Dynamos v ZPC Kariba (Rufaro Stadium) Manica Diamonds v Triangle (Sakubva Stadium)
NgeSonto: Highlanders v Scottland (Barbourfields Stadium), Bikita Minerals v MWOS (Gibbo Stadium)
