Online ReporterZimpapers Sports Hub
AMA-WARRIORS akhangelane lemithwalo emibili, inkezo yeCosafa lemidlalo yobungane leBurkina Faso leNiger kumalanga alandelayo.
Umqeqetshi uMichael Nees uzasebenzisa imidlalo yobungane, ezadlalelwa eMorocco ukuhlola abadlali phambi kokuba abumbe iqembu elizancintisa ku-Afcon ka2025, ikanti iqembu labasakhulayo emdlalweni, elikuCosafa eSouth Africa, kuhloswe ukuthi liveze amathalenta abadlali abazamela ilizwe kumidlalo emikhulu kwelizayo.
Abadlali abazabhekana leBurkina Faso leNiger okwakhathesi basenkambeni yokulolonga edolobheni leCassablanca. Bazadlala leBurkina Faso ngoLwesihlanu, qede lapho badibane leNiger ngoLwesibili ngeviki elizayo.
UNees uhlele ukunika bonke abadlali ithuba, njalo kubikwa ulethemba lokuphendukisa abakade belimele abagoqela uBill Antonio, Tino Kadewere lonozinti u-Elvis Chipezeze.
“Ngendlela yokuqinisa iqembu, sifuna ukuthi sihlanganise labadlali abatsha. Kumele sifake abadlali abatsha esiswini senkundla ngoba inengi elidlala kulindawo abekho,” kutsho uNees.
Ekhuluma ngo-Antonio, uthe: “Ungumdlali otshintshatshintshayo, owenelisa ukugijima laseceleni njalo ulamandla lolwenelisa ukudlala ngendlela ekhaliphileyo.
Ngicabanga ukuthi sizakulangazelela ukubona ukuthi uzangena njani endleleni yethu yokudlala. Wacina kumaWarriors kudala ngingakafiki.”
Abanye abadlali abahlolwayo nguJonah Fabisch loMason Mushore.
“Silabadlali abakade belimele uTino Kadewere laye u-Bill Antonio. Sifuna ukunika abadlali abanengi ithuba kumidlalo yobungane le. Enkambeni konke kuhle okwakhathesi,” kutsho uNees.
