admin
NguLungelo Ndhlovu
AMAQEMBU adlala kumaligi aphansi uDivision 2 kanye lo 3 ayabobotheka nanko phela inkampani yeWillsgrove isibike ukuba izaqhubekela phambili inikeza amaligi la usekelo lwemali.Umgcinisihlalo wenguqu esathuthuka esabelweni sakoBulawayo, uWashington Chimhanda uthe uyathokoza ukuba inkampani ye-Willsgrove kayibalahlanga ngoba sebexoxisane layo yavuma ukuthi izasebenzelana labo.
“Senze umhlangano wethu omkhulu we-AGM mhlaka 22 Nhlolanja njalo konke sekulungele ukuqala kweligi le mhlaka 18 Mbimbitho.
“Sikhuthaza amaqembu ethu ukuba abhadale imali ezifunakalayo,” kutsho uChimhanda.
UChimhanda ubike ukuthi uhlupho abahlangana lalo kumaDivision la womabili yibuqili.
“Ku-AGM sivumelane ukuthi lonyaka amathimu akhethe abadlali abasakhulayo hatshi ukuthi kuthathwe ‘amadoda’ ayedlala kuPremeir Soccer League (PSL), azobhuza ebantwaneni. Ubuqili obunjalo sesike sahlangana labo ngakho thina kasihambisani lakho ngoba inhloso yethu ngeyokuthi sithuthukise abafana abasakhulayo,” kutsho uChimhanda.
Kubikwa amaqembu aseqalisile ukubhadala imali zawo (affiliation fees) lanxa imali le iyi-$800.
Kuzwakale ukuthi kulamaqembu angu-16 adlala kuDivision 2 kuthi angu-13 adlala kuDivision 3.
Online Reporter