Badele konke okomhlaba bakhetha ukuba ‘Ngabafundi bakaJesu’

BALINGANISELWA ku-100 abantu asebethethe isinqumo sokutshiya “konke okomhlaba bakhe amadokodo” eDabangu, koMaphumulo lapho bethi baphilela khona umbuso wezulu.

Lumphakathi, uyanda inyanga lenyanga, uzibiza ngokuthi ungabafundi bakaJesu. Bakhe endaweni ethe qekelele abayiqamba ngokuthi Ikhaya Labafundi.

Ngesikhathi intatheli zihambele kulindawo laba bantu bebeqhubeka ngemisebenzi yabo yosuku. Kulendlela asebeyikhethile bathi sebehlukene lezinto ezinengi okubalwa kizo ukutshiya imisebenzi, bayekela amabhizimusi abo, bayekela lamaphilisi-amaARV, lezingane zabo zayekeliswa isikolo ngoba sebelandela uJesu. Abanye abaselawo amaselula, kube labazigqaja ngokuthi abasazihlanganisi locansi.

Balendawo enkulu elamasimu lapho abalime khona izinhlobo ezehlukeneyo zezilimo, kukhona lezifuyo. Kwabakulimileyo kukhona imbambayila, amadumbe, amagwava lokunye okunengi. Indawo yabo ibiyelwe ngocingo yavalwa ngesango, akulula ukuthi uzingenele nje. Kulezakhiwo ezehlukeneyo phakathi okuyizindlu abahlala kuzo.

Ovulele izintatheli ubethole umyalelo kuMfundisi omkhulu, uMfu Vusimuzi Sibiya, othe makalivule isango abantu babizwe nguye.

Uma ungena phakathi ukhangwa yibona “Abafundi bakaJesu” bephithizela besenza imisebenzi ehlukeneyo okugoqela ukulima, ukugeza izitsha, ukuwatsha izingubo, ukuthanyela igceke lokunye okunengi.

Bonke uma bebingelela ngitsho lengane encane bathi “Makabongwe uJesu, uyabusa uyiNkosi”. Kulaba kukhona abantu beminyaka ehlukeneyo, kusukela ezinganeni kusiya kwabadala.

Bonke bayazigqaja ngokuthi balaxaza okuthile ukuze balandele uJesu yena yedwa.

UMfu Sibiya, ongumsunguli walindawo ulande kabanzi ngayo wathi laye wayeka impilo ayeyiphila wakhetha lindlela entsha.

Uveze ukuthi wayengusomabhizimusi kodwa wawavala amabhizimusi akhe wakhetha ukulandela limpilo entsha. Echaza uthe inhlosongqangi yakho konke lokhu yikufuna ukuthula emoyeni lasenhliziyweni.

“Lapha silabantu abehlukeneyo abehlukana lezinto ezinengi bakhetha ukulandela uJesu. Lapha sikhuluma ngosomabhizmusi ababephumelele empilweni kodwa bengelakho ukuthula. Manje njengoba sebelapha balokuthula kwanaphakade ngoba baloJesu qha,’’ utsho kanje.

Uveze ukuthi abantu abathutheleka kule ndawo bavela ezingxenyeni ezehlukeneyo zelizwe. Abanengi uthe basuke behlatshwe livangeli lokufuna ukuthula alitshumayelayo lasezinkundleni zokuxhumana.

“Isizwe lesi ngesoMbuso kaNkulunkulu futhi esiphethwe ezulwini. Makwaziwe ukuthi kulabantu abangcwele abadele konke. Badele imisebenzi emihle besebenza kahle, batshiya imideni yabo, kukhona labatshiye amaphilisi okuthithibalisa ingculazi, abanye baphume sebesemanyuvesi,” utsho kanje ekhuluma ebakhomba bananela ngehlombe elikhulu Abafundi bakaJesu.

Uthe kakho obabizile laba bantu kodwa baqoqwe nguNkulunkulu uqobo. Uthe uNkulunkulu uyazakhela isizwe sakhe esilokuthula lobungcwele.

Ngesikhathi esakhuluma lezintatheli endlini, kungene indodakazi yakhe ebilethe ukudla, wathi: “Laye lo ngamkhipha esikolo ku-Grade 11. Wayezitshela ukuthi uzafunda aze abe ngudokotela, kodwa ayenzekanga leyo nto,’’ kutsho yena.

Intatheli ikhulume labanye baBafundi bakaJesu abebebukeka bengelankinga ngempilo yabo entsha. UNkosazana Thandazile Mwelase othe usuka eMawoti, eNanda, uveze ukuthi uyazigqaja ngokuyekela ukudla amaphilisi okuthithibalisa igcikwane lengculazi ama-ARV.

“Ama-ARV ngangiwasebenzisa kusukela ngo-2022 ngaze ngawayeka ngo-2024 ngikholwa ukuthi uJesu uyaphilisa. Izwi likaNkulunkulu lalo liyatsho ukuthi ngemivimbo yaKhe saphiliswa. Uma ungumKhristu kumele wazi ukuthi uphilisiwe. Ngidele konke, ngitshiye umuzi wami kuhleli ingane yami kuwo. Layo ingane yami ngiyidelile. UJesu uthi ongithandayo makathabathe isiphambano sami, azidele, angilandele,’’ utsho kanjena.

Uveze ukuthi sekuphele iminyaka eyisikhombisa engayi nhlobo emacansini ngoba usekholwa ukuthi ukuya ocansini ungatshadanga kuyisono. Uveze lokuthi ngitsho umakhalekhukhwini akaselaye. Lemali uthi kalandaba layo.

UNkszn Sibongile Mkhwanazi othe udabuka eMpumalanga uthe laye ubenatha amaphilisi okuthithibalisa igcikwane lengculazi.

‘’Ngidele konke, bengiwanatha ama-ARV kusukela ngo-2008 ngaze ngawayekela ngo-2024 ngemva kokuba ngizwe iZwi likaNkulunkulu elithi ngiphilisiwe ngemivimbo yaKhe. Uthe kalankinga nje uphila njengabantu bonke.

UMnumzana Ntokozo Mkhize weMlaza uthe bese ethathiwe eNyuvesi yeCape Town eyokwenza iComputer Engineering kodwa wakhetha ukuzophila eKhaya Labafundi.

Lesi uthe yisinqumo esilobuhlakaniphi kulazo zonke ake azithatha empilweni yakhe sokusabela uma ebizwa nguNkulunkulu.

‘’Kuthe sengithathiwe sengithole lendawo yokuhlala, ngenhlanhla uNkulunkulu wangambulela ukuthi kumele ngitshiye konke ngilandele yena yedwa. Ekhaya bayazi, ngabachazela bakuqonda engikutshoyo.

Njengoba ngilapha ngizafunda ngoJesu yena yedwa,’’ kuchaza yena.

Uthe kaselayo lentombi ngoba akasiboni isidingo sayo empilweni yakhe lokuthi izamsiza ngani.

Kulevidiyo ephethwe yintatheli eveza abafundi asebehlala kulindawo betshisa izitifiketi zabo zemfundo ngoba bethi ngeke zisabasebenzela abasazidingi.

Enye ingane eleminyaka engu-15 ebihleli lonina ithe: ‘’Ngisiyekile isikolo ngenxa yokuthi esikolo abafundisi into eyayifundiswa nguJesu kanti mina ngifuna ukwenza intando kaNkulunkulu.’’ —Isolezwe