admin
Listen Ndlovu
KUGWETSHWE indoda lendodakazi yayo inyanga ezingu-36 kulandela ukutholakala belecala lokuhlangana emacansini.
Abetheswacala uJohane Moyo oleminyaka engu -35 lo Precious Moyo oleminyaka engu-19, bamiswe emthethwandaba weTredgold phambi kukamantshi uNkosazana Marigold Maphosa mhlaka 22 Zibandlela, besetheswa icala lokuhlangana emacansini bona belobuhlobo.
Esethula isigwebo sakhe, uNkszn Maphosa uthe uJohane uzakuyapika inyanga ezingu-24 ejele andubana abeke eceleni inyanga eziyisithupha kukhangelelwe ukuthi engaphindi lesisenzo. Kuthi inyanga ezingu-18 lazo zesulwa kukhangelelwe ukuthi ayosebenzela umphakathi amahola angu-630, enkambeni yamapholisa eNsuza.
UPrecious yena ugwetshwe inyanga ezingu-12, ezine zabekwa eceleni ngokuziphatha kuhle kwathi lezi ezinye lazo zakhitshwa kukhangelelwe ukuba ayosebenza amahola angu-280 enkambeni efanayo.
Kubikwa ngenyanga kaMbimbitho nyakenye, uJohane watshela uPrecious ukuthi uyamthanda baqala ukuthandana lokuhlangana emacansini.
Ubudlelwano balaba ababili kubikwa baze baphumela egcekeni ekuphendukeni kukanina kaPrecious mhlaka 18 Mpalakazi 2021.
Online Reporter