Baphuma begijima kuCosafa

Jameson Junior Nduna takes aim for Zimbabwe’s Under-17s during their COSAFA opener against Mozambique. The Young Warriors were narrowly defeated 1–0 in Norton yesterday.

Nkosilathi Sibanda

ABAFANA beqembu lelizwe kunguqu yama-Under 17 sebephumile kumqhudelwano weTotalEnergies CAF Under-17 Africa Cup of Nations 2026 COSAFA Qualifiers, ngemva kokwehluleka ukunqoba kumidlalo yonke.

AmaYoung Warriors abedlala kuGroup A, lamaqembu eMozambique, Comoros, leSwatini. Kuqoqo leli, kuphumelele iMozambique leComoros.

Kumdlalo wokucina kulelihlandla, iZimbabwe inqotshwe yiComoros nge 3-2 kumdlalo ochazwe ngokuthi ubuhlabusa, amaqembu womabili etshengisa ubungcitshi enkundleni.

Umqeqetshi weZimbabwe uThulani Sibanda uthe abadlali bakhe benze amaphutha, okuyikho okudale ukuthi baphangise ukukhutshwa emkhankasweni.

“Siphume masinyane. Kumele kube yisifundo kithi. Loba kunjalo, sinanzelele ukuthi abafana balethalenta,” nguSibanda lo ekhuluma lentatheli ngemva komdlalo.

Kusenjalo, ilizwe le-Angola libe ngelakuqala ukufinyelela isigaba sama-semi final ngokutshaya iLesotho 5-0 kuGroup C ngeSonto.

Kulumncintiswano, iqembu elizaqeda liphezulu yilo elizakuya kuma semi-final, kunye laleli elizaqeda likunombolo yesibili.
IMozambique inqobe iSwatini nge 4-0.

NgoLwesibili emini kuGroup B, iSouth Africa izadlala leMalawi. Loba zingaze zidlale ngokulingana, iSouth Africa izafinyelela kusigaba esilandelayo. Zombili zilemiklomelo eyisithupha kodwa iSouth Africa iphambili nge goal difference. Amanye amaqembu akuqoqo elifanayo yiMadagascar leZambia ezehluleke ukunqoba emidlalweni yazo. Lazo zidlala ngoLwesibili emini.

I-Angola izadlala leMauritius kuGroup C. ILesotho kuzamele inqobe iBotswana okuzwayo nxa ifuna ukufika kuma semi-final.

Isiphetho…