Online Reporter
Fungai Muderere
LOKHE kuqalise umqhudelwano weChibuku Super Cup lonyaka, sekuhlohlwe amabhola angu-19.
Kukhokhela umdlali weMWOS u-Arthur Banda, owahlohla amabili. Amanye amabhola ahlohlwa ngabadlali abangu-17 kumaqembu atshiyeneyo.
Njengoba umncintiswano lo usufike kuhlandla lama semi-final, umfana weMWOS uzadinga ukuthi ahlohle futhi ukuze athole isicoco, ancedise iqembu lakhe ukuthi lithwale linkezo. IMWOS idlala leTriangle, mhlaka 25 Mfumfu enkundleni yeNgoni.
Komunye umdlalo, iHighlanders idibana leDynamos eRufaro mhlaka 26 Mfumfu.
Kubonakele ukuthi lonyaka, kusiyafika ama-semi final, kube lemidlalo eyisitshiya galombili ephethwe ngembekwa. IDynamos, eqeqetshwa nguKelvin Kaindu, isinqobe yonke imidlalo ngembekwa, litshaya iYadah, Simba Bhora leZPC Kariba.
Leli liqembu elaba yintshantshu yalinkezo nyakenye.
Kumaqembu asefike kuma-semi final, ezintathu sezike zathi mothu iChibuku Super Cup. Lezo yiDeMbare, Highlanders leTriangle United.
ITriangle United yabusa ngo2018, IBosso yanqoba ngo2019, iqeqetshwa ngosephendukile uPieter De Jongh.
IDynamos yaba yintshantshu ngo2023 lango2024.
Lo ngumqhudelwano omkhulu webhola lomkhumulajesi kuleli, oza letikiti lokuyamela ilizwe ku-Caf Confederations Cup.
Uluhlu lwabadlali asebehlohle lonyaka kuChibuku Super:
Amabili: Arthur Banda (MWOS),
Elilodwa: Tineyi Tsimba, Tadiwanashe Murasiranwa (Bikita Minerals), Felix Hammond (Dynamos), Mason Mushore, Learnmore Muyambo, Andrew Mbeba (Highlanders), Nigel Matinha, Clive Kwangwari , Wilson Mensah (MWOS), Moses Shidolo, Kingsley Mureremba, Khama Billiat,(Scottland ) Boid Mutukure (Simba Bhora), Frank Makarati (TelOne), Ali Sadiki, Munashe Bambara, Witness Shave.
