adminNguLungelo Ndhlovu
Abagijimi bakuleli, uSamkeliso Moyo kanye loGilbert Mutandiro yibo abancinte bonke abagijimi kumjaho weGaborone Marathon kweleBotswana ngeSonto edluleyo.
U-Gilbert Mutandiro uphume waba ngowokuqala kumncintiswano wamakhilomitha angu-42 ngemva kokugijima umango lo ngamahola amathathu nje kuphela.
USamkelisiwe Moyo laye ube ngowokuqala kumncintiswano wabomama wamakhilomitha angu-21 njalo ugijime umango lo ngemva kwamahola amabili.
UMthunywa uxhumane loMutandiro yena obike ukuthi umncintiswano lo umfake emalini.
“Ngizwa ngilokuthokokoza okukhulu kakhulu ngokuphumelela kwami emncintiswaneni lo.
“Ngenelise ukwephula isikhathi sami sokugijima engisijwayeleyo njalo ngilethemba lokuthi ngizenza ngcono kweminye imincintiswano engibhekane layo,” kutsho uMutandiro.
Ubike njalo ukuthi bekumele ayegijima kweminye imincintiswano eqakathekileyo kweleChina, kodwa wacina esekeliswa yikuthi kwasekukhulunywa ngomkhuhlane we-Ebola, njalo amazwe la abesesenza ukuthi ukuvakatshela kuwo kubenzima.
“Bekumele ngiyegijima eChina kodwa ngehlulwe yindlela yakhona nanko phela amazwe amanengi abefuna ukwenqabela ukumemetheka komkhuhlane lo njalo bekubekwe imithetho-thetho,” kuqhuba uMutandiro.
Kuzwakale ukuthi umncintiswano lo ubulemali okwamagama kodwa imali yakhona izanikezwa labo abahluphekayo.
KweleZimbabwe kulabagijimi abanengi abalodumo ababalisela uBighton Chipere, uStephen Muzhingi,Brighton Chipere kanye labanye.
Online Reporter