Online Reporter
Nkosilathi Sibanda
ONOMPEMBE bomdlalo kanobhutshuzwayo kuleli sebejwayele ukufumbathiswa imali ngamanye amaqembu, okubenza behluleke ukuphatha kuhle imidlalo.
Lo ngumbono womqeqetshi weKwekwe United uMasimba Dinyero, awethule ngemva komdlalo wabo weligi leChicken Inn ngoMgqibelo.
UDinyero usole amanyethelo athethwe ngunompembe uPrince Moyo, ebika ukuba ubelenhloso yokuthi iKwekwe United inqotshwe. Umdlalo uphele kuyi 2-0, kunqobe amaGamecocks.
“Onompempe bakudala babewazi umsebenzi. Abakulezinsuku abazi lutho.
“Bafumbathiswa imali. Kasehlulekanga ukuhlohla. Sihlohlile kodwa unompembe ucabange okwakhe. Kasiyindawo kunguqu njenge lizwe,” kutsho uDinyero.
Umqeqetshi lo usole okunengi ngonompembe, ebalisa ukuthi yibo abenza ukuthi amaqembu angadlali kuhle nxa ekumncintiswano yamazwe.
Kusenjalo, ukunqotshwa kwembu likaDinyero kutsho ukuba leliqembu seliphumile kuPremier League.
Ngemva kwemidlalo engu-28, iKwekwe United isilemklonelo elitshumi kuphela, ihlezi ekucineni kwengalane.
