Online Reporter
Lovemore Dube
“Siwatholile amabhonasi. Siyabonga Sir Wicknell, abafana bajabulile. Silethemba lokuthi ngelinye ilanga uzabe useBarbourfields uzobukela abafana. UNkulunkuku kengeze lapho okuvele khona isipho.”
La ngamazwi kakaputeni omkhulu weHighlanders u-Ariel Sibanda, ebonga ukuzinikela kuka-Sir Wicknell Chivayo ngokusekela iqembu ngemali.
Ekhuluma lokhu, uSibanda ubenxusa uSir Wicknell, efisa ukuthi ngabe usukuma ngokuphangisa azebona mathupha indlela abalolonga ngayo ngokuzimisela belungiselela umdlalo ozayo leGreenfuel.
Unozinti lo uthe kuledlabuzane likhulu eqenjini, njengoba izikhwama zikhudumala ngemali evele kuSir Wicknell.
Imali yamabhonasi le ivezwe ngesikhathi uJabulani Nkomo, onguye owakhethwa ukuthi akhangele ukusetshenziswa kwayo, ethule ukuba uSir Wicknell usebhadale i-US$57 000, ukubhadala abadlali labaqeqetshi i-signing on fees lamabhonasi, kusukela ngo2024.
Imali le iyingxenye ye-US$1 million eyanikezwa iBosso nguWicknell, ezaphuma ngezigaqa zama-US$250 000, ezakhitshwa kusukela ngoNtulikazi kusiya kuMpalakazi.
