Online Reporter
Zimpapers Sports Hub
NGESONTO kuzakuba lusuku olukhulu kuqembu leDynamos okumele linqobe i-CAPS United nxa lifuna ukuthengelwa ibhasi ngusomabhizimusi uWicknell Chivayo.
Zombili zidlala kumdlalo wetshumi lanye kuligi yeCastle Lager Premiership enkundleni yeRufaro.
UChivayo uthembise lokhu, ebika ukuba iDynamos ingadlala kuhle, yenelise ukunqoba izazitholela ibhasi. Kuyaziwa ukuthi isimo sitshekile kuzikhwama zemali yeDeMbare nanko iqale isizini iqhula, idinga usizo.
Ukunqoba iCAPS United akusoke kube lula. IMakepekepe iyakhokhela kulogu ngemiklomelo engu-22. I-Dynamos ihlezi kunombolo yesihlanu lemiklomelo engu-17. Loba kunjalo, inombolo eziphethwe ngamaqembu la kulogu zitshengisa ukuthi umdlalo wangeSonto uzahlabusa.
Ukuthenjiswa kwebhasi kuzafaka idlabuzane. Ngakolunye uhlangothi, iCAPS United kayisoze ifune ukuyangiswa.
Ephendula umbono womlaleli ngesikhathi ekhuluma kuCapitalk FM, uChivayo uvume ukuthi uzathengela iDynamos ibhasi entsha.
“Kulungile, nxa iDynamos inganqoba iCAPS United ngeSonto, ngizayithengela ibhasi entsha. Yiso isivumelwano,”
Lesi sithembiso siza ngesikhathi kukhulunywa ngobunzima bemali eqenjini leDynamos.
Abalandeli beDynamos sebephinde bancenga ukuthi ancedise, ikakhulu ngemva kokuba uChivayo esevele wathengela iHighlanders ibhasi entsha.
Imidlalo yeCastle Lager Premiership kulimpelaviki:
NgoMgqibelo:
FC Hunters v Ngezi Platinum Stars (Heart), Mwos v Chicken Inn (Ngoni), FC Platinum v Scotland (Mandava), Telone v Hardrock (Ascot), Simba Bhora v ZPC Kariba (Wadzanayi), Bulawayo Chiefs v Herentals College (Barbourfields), Manica Diamonds v Agama (Sakubva)
NgeSonto:
Highlanders v Triangle United (Barbourfields), Dynamos v CAPS United (Rufaro)
