I-GPS tracking iguqula ezokufuya kuleli

YiNtatheli kaMthunywa

I-Smart Livestock Management System (SLMS) eyethulwe nguHulumende, isincedise ukuvimba ukumemetheka kwemikhuhlane yezifuyo ngokulandela ukuhamba kunye lembali yazo yezempilakahle, okuncedisa ukuvikela ukuqhamuka kwemikhuhlane kubuye kuvikele lomhlambi wesizwe.

I-SLMS isebenzisa imitshina yokulandelela i-GPS ukukhuthaza indlela zokulima ezimelana lesimo sezulu.
Lolu hlelo luhambisana lenjongo zentuthuko zikazwelonke, ukwenza ngcono ukulawulwa kwemikhuhlane, ukufinyelela emkambo kanye lokufakwa kwezimali kanye lokuguqula uhlangothi lwezifuyo.

Umqondisi obona ngezokuhlolisisa ngezezifuyo kugatsha olubona ngezoMhlabathi, Ezokulima, Amanzi kanye lokuthuthukiswa kwezindawo zemaphandleni, uMnumzana Andrew Chamisa, uthe uhlelo lolu luzakwehlisa ukumemetheka kwemikhuhlane yezifuyo.

“Abafuyi benkomo balakho ukubhalisa kuloluhlelo ukuze inkomo zabo zifakwe amathegi okuzilandelela, ukwabelana ulwazi kunye lokuthola izixwayiso ngokuhlatshwa kwezifuyo, ukuzizalisa kanye lokuvikela ukumemetheka kwemikhuhlane, ekucineni kubelula ukufinyelela umkambo lokuthuthukisa izindlela zokuphatha izifuyo,” utsho kanje.

“Ngokusebenzisa ubuchwepheshe balezinsuku, iSLMS ihlose ukumaka izifuyo (inkomo) ukuze ikwazi ukulandeleka ngaleyo ndlela ibe lomthelela ekukhuleni komnotho wendawo.”