marble nkomo
Ethel Ncube
IQEMBU leNkululeko Yabatsha School of Arts (Iyasa) lithole isicoco kuNational Arts Merit Award esigodlweni ngempelaviki.
Umqondisi weqembu leli uNkululeko Dube uveze ukuba bayakujabulela lokhu ukuhlonitshwa nge-award kubanika umdladla wokuba baqhubeke besebenza.
Ekhuluma lentatheli uNkululeko uveze ukuba bayakuthakazelela ukuthola isicoco.
“Ngethula injabulo kunye lokubonga kuNama kunye leqembu engisebenza lalo ukuba sibuye lesicoco ekhaya kuyasithokozisa kakhulu. Bangimangalisa mina ngingakwazi lokuthi sizathola isicoco ngezwa kuphela kuthiwa ngibuye eHarare ngahle ngalungiselela ngayadinga ibhasi ngaqonda esigodlweni kanti sengisiyathola isicoco,” kutsho uNkululeko.
Uqhubekele phambili esethula ukubonga kubalandeli kunye leqembu lakhe.
“Isicoco lesi ayisisosami njalo ayisiso seIyasa kuphela, kodwa ngesethu sonke labalandeli bethu ngoba kungasibalandeli ngabe imisebenzi yethu ayibonakali. Sethula isibongo kubalandeli ngokusisekela malanga wonke sithi qhubekani lisisekela, ukusekela kwenu kwenza imisebenzi yethu ibonakale njalo yaziwe indawana zonke emhlabeni.
“Sibonge futhi lakubaqoqi beNama sithi siyabonga ngokusinanzelela ukuthola isicoco kutshengisa ukuba imisebenzi yethu iyananzelelwa njalo kuyabonakala esikwenzayo siliqembu. Ngithi kubafowethu abasemculweni kumbe abenza ngezokuthokozisa uzulu asingalahli ithemba asiqhubekeni sisebenza nzima sisethulelwa uzulu imidlalo lengoma ezilonhlonzi. Lizaze lifike lani elenu ithuba,” kubika uNkululeko.
Online Reporter