Online Reporter
Nkosilathi Sibanda
I-RESERVE Bank of Zimbabwe (RBZ) isiqalise umkhankaso wokwazisa uzulu ngemali entsha ye-Zimbabwe Gold (ZiG).
UGavuna webhanga leRBZ) uDokotela John Mushayavanhu ngeviki edluleyo ubike ukuba imali entsha le izakuba semphakathini kusukela mhlaka 7 Mabasa 2026.
UDkt Mushayavanhu uthe imali entsha le izasebenza lendala.
SileZiG10 leZiG20 ezikhona ehlelweni lwemali. Sesizakwethula enye imali entsha, ezahamba ndawonye lendala,” kutsho uDkt Mushayavanhu.
Uthe inhloso yenguquko le ngeyokuqinisa ukusebenza kuhle kwemali yeZiG.
Isabelo seHarare Metropolitan Province kube yiso esivula indlela ngoLwesibili, lapho abamabhizimusi betshengise ukusekela kwabo imali le.
Ukuhanjiswa komkhankaso lo elizweni lonke ngaphambi kokukhitshwa ngokusemthethweni kweZiG, kuchazwe njengobufakazi bokuzimisela kukaHulumende ekuqhubekeni kohlelo lwe-devolution, oluhlose ukusabalalisa amathuba entuthuko kuzo zonke izabelo zelizwe.
