Ibhola seliphelile! . . . iDynamos isilile

Dynamos players in celebration after beating Bikita Minerals in a Premiership match at Rufaro Stadium yesterday

Nkosilathi Sibanda

ABALANDELI beDynamos bavuke behlekelela ngoMvulo, beqhubeka ngokujabulela ukubalekela izembe okwenziwe liqembu labo kuligi yeCastle Lager.

Kulandela ukwehluleka ukudlala kuhle kulisizini, iDynamos ibikhangelelwe ukuthi iphume kuligi, kodwa yenelise ukukhuphuka, yaqeda ikunombolo yesi-13, iphethe imiklomelo engu-39.

Elinye iqembu elikhulu ebelisengozini yiHighlanders. Kumdlalo wokucina ngeSonto, iBosso idlale ngokulingana kwaba yi 1-1 leChicken Inn.

Zombili zigcine indawo yazo kuligi.

Kuqale ngokuhlohla iChicken Inn kubhola elikhatshwe nguBrian Muza ngesigaba sakuqala somdlalo. IBosso iphendule ngebhola eligaxwe entanjeni ngu-Andrew Mbeba.

Abafana abaqeqetshwa nguPieter De Jongh baqede isizini bekunombolo yesi-11, omakhelwano babo iChicken Inn ikunombolo yesi-12.

Kusenjalo, amaqembu asephume kuligi yeCastle Lager yiYadah, Greenfuel, Kwekwe United leBikita Minerals.

Impumela yemidlalo yocina kuCastle Lager Premiership: Dynamos 0 – 0 FC Platinum, Chicken Inn 1-1 Highlanders, Kwekwe United 0 – 2 CAPS United, Simba Bhora 1 – 0 Yadah, Greenfuel 1 – 1 Triangle United, Manica Diamonds 1 – 0 Bikita Minerals.