IBosso ikhipha uNhlanhla ewofisini

UMAQHUZU weqembu leHighlanders uNhlanhla Bahlangene Dube usetshelwe ukuthi ayephumula endlini.

UDube, ngokuzwa ngabafakazi abaqotho abasebenza laye, ucetshiswe liqula le-executive ukuthi kumele ayephumula kancane nanko phela lokhe wangena umsebenzi ubengakayi “ku-leave”.

“UDube yindoda ethanda umsebenzi okokuthi ubesekhohliwe lokuthi athathe amalanga ayephumula lemuli yakhe,” kutsho umfakazi othembekileyo esemawofisini eqembu.

“Abadala bamtshele ukuthi kasuke ewofisini ayethola ukuphumula.” Isikhulumi seHighlanders uRonald Moyo kazange afune ukutsho okunengi ngaloludaba.

Ngesikhathi iphephandaba likazulu lidinga ukwazwisisa ngodaba, uphange wabika ukuba usaphathekile emhlanganweni othile.