Online Reporter
KUPHENDULEKE imithandazo yababukeli abanengi bomdlalo Inimba, njengoba izolo abahleli bomcimbi amaSouth African Film and Television Awards (Safta), bememezele abaqokwe emcimbini walonyaka, lokukhona kubo umlingisi oyisithandwa kwabanengi, uZenande Mfenyane.
Abalandeli bomdlalo Inimba, bebehlale bemncoma uZenande ngendlela alingisa ngayo indawo kaThumeka, ngakho akungatshazwa ukuthi bajabule ngokuqokwa kwakhe kulo mcimbi okuzobe kungoka-19 kulo nyaka.
Kuzobe sekucaca ngoMbimbitho mhlaka 13 lo-14 ukuthi uyayithola yini le ndondo abalandeli bakhe akade bemfisela yona.
Kulo mcimbi ozobe usakazwa bukhona kuMzansi Magic lakuSABC2, uqokwe emunxeni weBest Supporting Actress in a Telenovela labalingisi okukhona kubo uBrumilda van Rensburg, olingisa emdlalweni iKelders Van Geheime loZodwa Nkosi olingisa indawo kaFaith emdlalweni iThonga.
Inkampani iTshedza Pictures, ekhiqiza imidlalo efana leThonga neYoungins iyona ehambe phambili ngokuqokwa njengoba ibonakala eminxeni engu-24 lesiqokwe kakhulu iminyaka emibili ilandelana.
Ibe isilandelwa yinkampani iQuizzical Pictures eqokwe izikhawu ezingu-22 ngemidlalo okukhona kuyo iReyka, White Lies leSavage Beauty.
Umdlalo omdala kuleli iGenerations: The Legacy uqokwe izikhawu ezingu-7 kanti ozakwabo esiteshini iSABC1, iSkeem Saam, iqokwe izikhawu ezinhlanu kwathi Uzalo lwaqokwa kane.
Abalingisi okukhona kubo uSello Maake ka-Ncube, Bonko Khoza, Zenande, Nelisiwe Sibiya, Celeste Loots, Sandra Prinsloo, Vusi Kunene noBrumilda van Rensburg yibona abaqokwe eminxeni emikhulu kulo nyaka.
Ngonyaka odlule, lo mcimbi uthathe ikhefu njengoba abahleli bawo baveza ukuthi kuningi okumele kwenziwe uma ulungiselelwa.
U-Onke Dumeko, ongumphathi wenhlangano iNational Film & Video Foundation (NFVF), ehlela lo mcimbi, uthe kuyabajabulisa ukuthi bahloniphe la maciko eminxeni ehlukene labathemba ukuthi usuku lomcimbi luyoba yinjabulo kwabanengi. —Ubulembu
