Igange kayizazi indoda yeMakokoba

Edwell Ngwenya (38) and Novum Intium (Private) Limited, represented by Ngwenya in his capacity as a director, are accused of converting the money to their own use instead of using it to settle freight and clearance charges for three containers belonging to Shriji Luggageware (Private) Limited.

Nkosilathi Sibanda

KULENDODA eleminyaka engu-39 yokuzalwa, ehlala Makokoba koBulawayo eyehluleke ukuzibamba nanko phela yenze ihlazo ngokudlwengula umntwana (12).

Indoda le yetheswe icala lokuhlukuluza ngokocansi yagwetshelwa ukuhlala ejele okweminyaka engu-17 ngumthethwandaba kamantshi, weTredgold koBulawayo.

Ngokombiko weNational Prosecuting Authority of Zimbabwe (NPAZ), umntwana wayethunywe ngugogo wakhe ezitolo mhlaka 2 Ncwabakazi 2026 ngezikhathi zantambama.

Endleleni, umsolwa wamqila wamhambisa endlini wakhe, lapho amtshela khona ukuthi wayelandelwa yimimoya emibi eyayimenza ehluleke esikolo. “Umntwana watshelwa ukuthi enze okuthile okwakuthiwa kuzakhipha leyo mimoya, kodwa umsolwa wasesebenzisa lokho ukumhlukumeza ngokocansi. Waphinda wamethusela umntwana ukuthi angatsheli muntu ngokwenzakeleyo,” kubika iNPAZ.

Ngosuku olulandelayo, kubikwa umntwana watshela ugogo wakhe ngokwenzakalayo ngemva kokuba ehlulekile ukulala kuhle ebusuku.

Indaba le yabikwa emapholiseni, okwenza kubotshwe umsolwa.
I-NPAZ isole kakhulu zonke izenzo zokuhlukuluzwa kwabantwana ngokocansi, ikakhulu lezo ezenziwa ngabantu abathenjwe ukuthi banakekele abantwana. Iphinde yakhuthaza abantu abahlukuluzwa ngokocansi, kanye lomphakathi, ukuthi babike amacala anje emapholiseni ukuze abadala amacala babotshwe njalo bajeziswe phansi komthetho.