Online Reporter
Nkosilathi Sibanda
UMGCINISIHLALO weHwange Local Board uMnumzana Peterson Ncube, usencome uHulumende ngokulawula ukuthi onobhala bamakhansili baphiwe amakontileka ahambelana lendlela abasebenza ngayo.
Uthe lokhu sekudale ukuthi kube lomehluko omkhulu ekuphawulweni kwenhlelo zengqubekela phambili emphakathini.
“Uhlelo lokuhlolisisa lokulandelela ukusebenza kwamakhansili sekusincedise kakhulu ukuthi sibe lombono lokuzimisela.
“Ukuphumelela kukanobhala wedolobho lomgcinisihlalo kuya ngokusebenza ndawonye, kusukela kuzakhamizi kunye lezisebenzi zekhansili,” kutsho ukhansila Ncube.
Izivumelwano zokusebenza kukamgcinisihlalo labonobhala bamadolobho zigxile ekuthini bethule inhlelo zomsebenzi wabo ngohlonzi, ngokuzinikela ngesikhathi esifaneleyo.
“Ukuhlola lokulandelela imisebenzi kusiza ukuthi sihlale sisemzileni oyiwo, sikhangelele iVision 2030. Kuphinda kuqinise ukusebenzisana kwethu lezinye ingatsha.
“Uhambo lolu lufuna ukusebenza ndawonye. Akusimlandu weHwange Local Board iyodwa. Ngikhuthaza zonke ingatsha ukuthi sihlangane, zabelane umsebenzi kakuhle, siphakamise idolobho lethu.”
