adminKULEJUBA elibotshiweyo elizweni lamaNdiya kulandela ukuthutsha lomlayezo obusongela inhloko kaHulumende wakulelo lizwe duzane lomngcele wakulelolizwe lePakistan.
Ijuba leli litholakale lilombiko okhuluma ngempi yomnyaka ka1971 owawuphakathi kwelizwe lePakistan leleNdiya obusiya kunhloko kahulumende uNarendra Modi.
Incwadi le ebibhalwe ngolimi lwesi-Urdu, oluhumutshwe nzima ngokuthi: “Modi, kasisafanani labantu baka1971.
Khathesi wonke umntwana uzimisele ukulwisana lelizwe lamaNdiya.”
Ijuba leli litholakale ePathankot enyakatho yePunjab, lapho ibutho elisePakistan elethula umkhankaso oyingozi kwenye inkamba ngenyanga kaZibandlela.
UInspector wenkambeni yamapholisa eNarot Jaimal Singh (Pathankot) uRamesh Kumar uthe: “Ijuba leli belithwele incwadi le ngesikhathi libonakala.” “Inyoni le ivalelwe esitokisini kusachwayisisa.”
Kubikwa incwajana le ibilesayinetsha yomkhokheli wequla labahlamuki elisePakistan uLashkar-e-Taiba.
Kubikwa kakuqalisi ukusetshenziswa kwenyoni kungxabano yamazwe la womabili.
Mhlaka 23 Mpandula, kwabonakala futhi elinye ijuba elimhlophe lichapha umngcele lilombiko obhalwe futhi ngesiUrdu ePunjab esiqintini seHoshiarpur. Nyakenye njalo kulelinye ijuba elabotshelwa ukuzohlola nanko phela lalilecingo (wire like-device) phakathi komngcele wamazwe la womabili. — Ubulembu
Online Reporter