Online Reporter
Nkosilathi Sibanda
NXA inkokheli zebhola likanobhutshuzwayo kuleli zifuna ukukhulisa umdlalo, kumele ziqine ngokusekela abadlali abasakhulayo, kutsho uBenjani Mwaruwari.
UMwaruwari, obalelwa kulabo abangaqeqetsha iHighlanders ngesizini ezayo uthe ngeke ilizwe liyephambili ngomdlalo nxa ithalenta elisacathula linganakekelwa.
Ukhulume lokhu kungxoxo emfitshane abelayo lephephandaba likazulu ngesikhathi kuqhutshwa umkhosi wezicoco zabadlali ababezingcitshi kuligi yeCastle Lager Premiership lonyaka. Umcimbi lo ubuseHarare ngoLwesihlanu.
“Abasakhulayo yibo abaphethe ikusasa yomdlalo. Ithalenta elisahluma yilo okumele siliqakathekise. Ngokwenza njalo, ibhola lethu liyabe lizakhula,” nguMwaruwari lo obekade engumhlonitshwa omkhulu kulumkhosi.
Kusenjalo, wethule isibongo esikhulu ngokunxuswa ukuthi abengumhlonitshwa emkhosini.
“Kuyajabulisa ukuthi nxa uphenduka ekhaya uthole ukuhlonitshwa okunje. Ngizizwa ngiphakanyisiwe. Angithi ngomnyaka odluleyo kube nguPeter Ndlovu, lonyaka kwaba yimi. Ngiyayibonga iCastle Lager ngokwenza lokhu. Kuyakhuthaza abafana.
UMwaruwari wazakhela udumo edlala eSouth Africa, France, lase-United Kingdom.
Izicoco zeCastle Lager ngokugcweleyo:
Soccer Star of the Year: Washington Navaya (TelOne), First Runner-Up: Kevin Moyo (Scottland FC), Second Runner-Up: Emmanuel Ziocha (Simba Bhora), Fans’ Choice Award: Emmanuel Jalai (Dynamos), Goalkeeper of the Year: William Thole (Simba Bhora), Rookie Player of the Year: Mafios Tadiwa Chiweta, Coach of the Year: Tonderai Ndiraya (Scottland), Top Goal Scorer: Washington Navaya (TelOne), Most Disciplined Team: Bikita Minerals, Referee of the Year: Brighton Chimene,
First Runner-Up: Francis Chirwa
