Online Reporter
LUSEZITHEBENI zamapholisa udaba lomfundi weZakhe High School, eKwaMashu, owatholwa “ezilengisile” kusehlakalo esenzakala mhla ka-28 Nhlolanja evela esikolo.
Ngemva kokungcwatshwa kuka-Amahle Langa (15) ngempelasonto, kuvumbuluke izinkulumo ezinengi ezitshayisanayo lalokho okutshiwo ngumdeni wakhe. Abanengi, okubalwa labasesikolo abefunda kuso lomakhelwane, bamangele sebesizwa emuva kwendaba ukuthi u-Amahle ufihlwe ngoMgqibelo. Kodwa umdeni uthi balikhaya eliswelayo kungakho ukumbeka bakwenze ngalokho okuncane abebelakho.
U-Amahle ubengoweKwaMashu, lapho ebehlala khona loninakhulu lezinye izihlobo. Umthombo okhulume leSolezwe uthe lumfundi utshiye incwadi ebilezigaba ezimbili kwesinye encoma indlela enhle uninakhulu amkhulise ngayo, kwesinye eveza indlela abengaphathekile kahle ngayo ezandleni zezihlobo ezithile.
Kuthiwa abangane bale ntombazane yibo ababhoboze ithumba ngokuholele ekutheni ithathe isinqumo sokuzibulala. Kuvele lokukhuluma okuthi ingane ibisizithwele.
Ukhuluma lentatheli, umthombo uveze ukuthi kuthiwa ingane ibikhala ngokuhlukumezeka kwayo. Kuvela ukuthi unina akahlali ekhaya kodwa ukhona eThekwini.
“Ngitsho esikolo sakhe abatshelwanga ukuthi ingane ifihlwa nini. Okunye okwenzakeleyo ikuthi ngalolosuku lokubeka ingane babetshele lomakhelwane ukuthi ngeke ifihlwe kule mpelasonto esisuka kuyo, bebengafuni kwaziwe,” kutsho umthombo.
Uqhuba umthombo uthe: “Isiphethe kabi indaba yengane, sifuna ubulungiswa ngalesi sehlakalo, uNgqogqoshe wezokuThuthukiswa koMphakathi lezeNhlalakahle akangenelele, kanjalo lamaphoyisa sifuna lawo aphenye kabanzi ngalindaba.”
Kuvele lokuthi omunye wabomakhelwane owafika kuqala ngesikhathi kuzwakala isidumo wakwazi ukuyishutha incwadi ingane eyayibhalile. Yilo umakhelwane othi manje sekuvezwa isigaba sencwadi esisodwa kuphela esibonga uninakhulu.
Ayisekho ingxenye lapho ibalise ngenhlalo engenhle lokunukubezwa ngokocansi.
Ethintwa uNkosikazi Cynthia Zide, onguninakhulu kamufi abehlala laye, uthe ziyamthusa izindaba esezitshiwo ngokuhlukumezeka kwengane.
Uthe ngokubona kwakhe ingane ithathe isinqumo esinjengalesi ngoba unina uke wafika ngoDisemba efuna ukuhamba nayo kanti ayithandi yona.
“Amanga abantu lawa atshiwoyo, incwadi ikhona impela kodwa akukho lapho iveza khona ukuthi umntwana ubehlukunyezwa. Into ebiyenzeka ubethethiswa njengezinye izingane ekhaya. Nami bengihlala ngimthusa ngokuthi uma eseqalile ukulala labafana ngiyombona, ubehlala egeza phambi kwami futhi ngingaboni lutho olubi,” kutsho yena.
UNkkz Zide uthe ukube bekukhona ukukhulelwa kwengane okukhulunywa ngakho, odokotela basemakhazeni bebezokuveza.
Uthe ekhaya baphila ngempesheni, ngakho isimo besisibi bezama izindlela zokufihla umzukulu wabo benomyeni wakhe.
Iphoyisa elingagunyaziwe ukukhuluma nabezindaba eNtuzuma, likuqinisekisile ukuthi kukhona udaba oluphenywayo ngokuzilengisa kwale ntombazane.
Okhulumela amaphoyisa Kwazulu-Natal, uCaptain Ntathu Ndlovu, uthe kuphenywa isigameko sokuzibulala kwale ntombazane eneminyaka engu-15, yatholakala izihengile.
Okwamanje uthe baphenya isizathu esaholela kulokhu.-Isolezwe
