admin
YiNtatheli kaMthunywa
ZENZA kuhle zingalinywa kusukela ngenyanga kaZibandlela kusiya kuMabasa ngenxa yokuthi zilakho ukuhlaselwa yimikhuhlane, ukukhithika amaluba nxa umumo womkhathi ungaba mubi.
Inyanga kaZibandlela, kusiya kuviki yokuqala yenyanga kaNhlolanja yiso isikhathi esifaneleyo sokuzilima nxa ufuna zinethwe lizulu.
Ungazilima kumihlobo etshiyeneyo yomhlabathi, elobumunyu obuphakathi kwe 5, 3 le 6, 5. Zidinga umhlabathi olungiswe kuhle otshona okungaba yi-60-90cm.
Zingalinywa umnyaka wonke ngaphandle nxa umumo womkhathi utshisa kakhulu, amanzi emalutshwana, kumbe izulu lilinengi.
Umumo womkhathi akumelanga wedlule i 30 Degrees Celsius nxa sezisiba lamaluba ngoba kungabangela ukuthi zingazali. Lokhu kungenzakala njalo nxa umumo womkhathi ungaba ngaphansi kwe 15°C.
Isilimo lesi sidinga izulu elingaba phakathi kwe 450-650mm kumbe ukuthelezelwa.
Ukulima kumele kwenziwe ngesikhathi esifaneleyo ukuze isikhathi samaluba singaqondani lokuna kwezulu. Qaphela ukuthelela nxa sezilamaluba ngoba kungabangela ukukhithika kwawo.
Online Reporter