Iminyaka 15 kowahlukuluza ngokocansi umngane womntanakhe

was subjected to repeated sexual abuse by four perpetrators, including three male adults and a teenager, on multiple occasions while walking home from school

Bhekimpilo Tshalibe

KULENDODA yeMpopoma koBulawayo eleminyaka engu-47 yokuzalwa ebimiswe emthethwandaba weWestern Commonage egwetshelwe ukuyapika iminyaka engu-15 ngemva kokutholakala ilecala lokuhlukuluza ngokocansi umntwana oleminyaka engu-11.

Umsolwa kubikwa wadala icala leli mhlaka 16 Mfumfu ngomnyaka ka-2024, ngesikhathi umamangala ezoncedisa indodakazi yakhe umsebenzi wangekhaya i-homework.

Kuzwakale ukuthi indodakazi kamsolwa yajunywa yibuthongo umamangala elokhu elapho.
Umsolwa wathatha lelo thuba walanda umamangala wambamba amabele andubana afake umunwe esithweni sakhe sangasese ephinda phinda.

Umamangala wabikela ababalisi bakhe ngalokhu okwakwenzakele ngosuku olulandelayo okwenza babikela amapholisa umsolwa wabotshwa.

Kusenjalo kulamadoda amabili avela eShurugwi agwetshelwe ukuyapika iminyaka engu-25 ngamunye ngumthethwandaba omkhulu weGweru ngemva kokutholakala elecala lokubulala enye indoda bebanga i-snooker pool token.

Kubikwa mhlaka 25 Mpalakazi 2024, uSydney Butete wesigabeni seMusara loTawanda Manjovo wesigabeni seMatinyenya bonke bengaphansi kwenduna uNhema babenatha utshwala loLearnmore Mudzengi ngapha bedlala i-pool eChikara Bar, eMusaveni Business Centre, eShurugwi.

Kuzwakale ukuthi uButete loMudzengi baba lokungazwani kubangwa i-token elaselicatshile. Kubikwa uButete wadobha imbodlela efuna ukutshaya osengumuyi kodwa wakhutha watshaya umduli, njalo abanye abangane babo babakhuza.

Kubikwa osengumuyi waphuma phandle kwebhawa esiyathambisa wahlangana loManjovo owamtshaya ngempama ebusweni.

Kuzwakale ukuthi osengumuyi wazama ukubaleka kodwa wabanjwa nguButete wamgwaza kanye esifubeni ngengqamu wawela phansi waphela amandla, abasolwa babaleka.

Osengumuyi wagijinyiselwa esibhedlela lapho afika aphelela khona besanda kufika.