Online Reporter
Nkosilathi Sibanda
KULENDODA yeMvuma, eNkabazwe yelizwe ezahlala ejele iminyaka eyisikhombisa kulandela ukutshisa kwayo umuzi kamakhelwane.
USimbarashe Mafeta oleminyaka engu-25 yokuzalwa umiswe phambi kukamantshi eGweru, ngeviki edluleyo, esetheswa icala lokuzama ukubulala.
Kubikwa uMafeta, mhlaka 17 Ncwabakazi lonyaka, wafika endlini yelinye inina kuVillage 72 eHuchu, eMvuma, ngehola letshumi ebusuku. Inina leli, elileminyaka engu-38 yokuzalwa, lalilele labantwabalo abane kulindlu, abaleminyaka yokuzalwa ephakathi kwemihlanu letshumi.
UMafeta wacela ukuthi inina leli liphume phandle, ebika ukuthi inja yalo yadla inkukhu zakhe. Inina layala ukuphuma, uMafeta walumathisa indlu, umlilo wabhidliza impahla ebiza i-US$2 000.
Umantshi kulelicala ugwebe uMafeta ukuthi ayepika iminyaka eyisitshiya galolunye ejele. Wehliselwa iminyaka emibili nxa engaziphatha kuhle. Utshelwe ukuthi abhadale i-US$2 000, ukuze abuyisele impahla eyabhidlizwayo.
