Vusumuzi Dube
Nkosilathi Sibanda
KUDABA olutshengisa ukugcwala kwezidakamizwa eziyingozi elizweni, sekulabantu asebebhidliza umphakathi ngokuthengisa le-cocaine.
I-cocaine ngenye yezidakamizwa esezigcwele ezitaladeni emadolobheni, okwakuyimvela kanci kuminyaka edluleyo.
Ukuthengiswa kwayo ezitaladeni zakoBulawayo kuvele lapho amapholisa ebopha abantu ababili betholakale bele-cocaine enengi kunye lamabhakede agcwele imbanje.
Ababili laba nguDarian-Lee Kevin Lloyd Jackson (31) loLakim-Lee Robinson (32), ababanjwa bethengisa izidakamizwa lezi ekhoneni lika 12th Avenue loJosiah Tongogara Street mhlaka 18 Ntulikazi 2025.
Amapholisa athola imbanje ezilesilinganiso se-9 kilogrammes elilinganiselwa kuZiG 240 000 le-cocaine eyi-5 grammes ebiza ZiG 5 400.
Ugatsha lweNational Prosecuting Authority of Zimbabwe lubike ukuba ababili laba batholakala behlezi emoteni lapho belezidakamizwa lezi.
Kubikwa amapholisa abaqhuba, ahamba labo endlini yabo eWest Somerton kwatholakala lamabhakede egcwele imbanje, ezinye sezilungiselwe ukuthengiswa. Kuphinde kwatholakala ama-pocket scale lemitshina yokufaka ama-seal.
Online Reporter