UMTHUNYWA

Imitshina yokuxhumana ibalulekile kwezokulima lokufuya

Nkosilathi Sibanda

UKUSETSHENZISWA kwemitshina yokuxhumana yakulezinsuku kuqakatheke kakhulu ekuthuthukiseni imisebenzi yokulima lokufuya elizweni.

Lokhu kuvezwe ngumqondisi omkhulu kunhlanganiso ye-Veterinary Services kugatsha lwezoMhlabathi, Ezokulima,

Amanzi kunye lokuthuthukiswa emaphandleni, uDokotela Pious Makaya ngesikhathi enikeza izisebenzi zalokugatsha ama-tablet.

Kunikezwe ama-tablet angu-492 kuzisebenzi ze-Veterinary Services eMatabeleland North laseMatabeleland South.
“Leli linyathelo elibalulekileyo lokuthuthukisa ukunakekelwa kwezifuyo esigabeni,” kutsho uDkt Makaya, ekoBulawayo ngoLwesihlanu ngeviki edluleyo.

UDkt Makiya ukhuthaze izisebenzi ze-veterinary services ukuthi sekuyisikhathi sokuthi zisebenzise imitshina yakulezinsuku, ehlanganisela le-Artificial Intelligence (AI), ukuze bathuthukise umsebenzi wabo lokuhlolisisa isimo sezifuyo.

artificial intelligence

Ugcizelele ukuthi ngokwamukela imitshina yakulezinsuku, izisebenzi lezi zingathuthukisa ukusebenza kahle, lokwenza izinqumo ezicacileyo.

Uhlelo lokunikezwa ama-tablet kubalimisi lwasungulwa ekuqaleni kwalumnyaka. UHulumende uhlose ukuthi anikeze ama-tablet angu-6 000 ukuze kuthuthukiswe ezokulima lokufuya izigaba zonke.

Leave a Comment