Online Reporter
USAZINWAYA amakhanda ngokuthi udalwe yini umlilo obhubhise izihlobo zawo, omunye wemideni emithathu kwebhujelwe ngabayisi tshiyagalombili ngoMgqibelo.
Kuzehlakalo ezimbili ezenzakale ezindaweni ezimbili ezehlukeneyo, kutshone abayisitshiyagalombili bemideni emithathu.
Emdenini wakoNoyila eShaka’s Head, Kodukuza, eSouth Africa kutshone abahlanu. Phakathi kwabo kuloNkosazana Asamkele Somtsewu (19), umzawakhe uSonwabise Noyila (14), udadewabo u-Amila Menemene (3) kanye lezingane zakhe ezingamawele uSokhula (1) loSolulele (1).
Inhloko yekhaya, enguyise ka-Asamkele, uMnumzzana Sivuyile Noyila, ithe umlilo uqale emathathakusa.
Uthe bebekade bezijabulele, bebukele ibhola base bedlala i-snooker, kudlalwa lomculo.
“Izingane lonina baphangise bayolala ngokwehlukana. Mina labanye bendawo, sihlale kwaze kwatshaya o-3 ekuseni, sasesisehlukana sebehamba. Ngithe ngisanda kujumeka, ngezwa ngezingane zikhala, zingimemeza,” kutsho uMnu Noyila.
Uthe yena lonina, baphume bezinhlamvu besiyakhangela ukuthi izingane zidliwa yini.
Uthe bebezitshela ukuthi sekungene izigebengu.
“Sikhangwe ngumlilo obuvimbanise emnyango. Unina uvele waphonseka phakathi, wabuya leyodwa (2), ayithole itholoza ngaphakathi idinga indlela yokuphuma,” kutsho uNoyila.
Uthe lo owesifazane uthe uyabuyela phakathi, umlilo wangabe usamvumela ukuthi acinge ezinye izingane.
“Zitshe zaze zaphela izingane zami, zibulawa ngumlilo lakhathesi esingazi ukuthi udalwe yini,” kutsho uNoyila.
Uthe kubafi bekukhona izingane zakhe ezimbili, abazukulu bakhe abangamawele abazalwa gumufi omdala, bese kusiba lomzukulu wakhe.
Uthe unina lengane angene wayidonsa emlilweni, baphuthunyiswe esibhedlela ukuyolatshwa njengoba labo betshile.
Uveze ukuthi yena lo owesifazane balala endlini engemuva, kuthi izingane zilale kwephambili.
Uthe umlilo uqale emnyango, wanyuka njalo, waze wayotshaya emsamo.
“Yiyo linto enza sithi awuqalwanga zimpahla ezisebenza ngamagetsi. Lamanje sisadidekile ukuthi ubangelwe yini ngoba sibiyile lesango siyalivala,” utsho kanje.
Kusehlakalo sesibili esenzakeleyo koNongoloza, eMdoni, kutshone izelamani zakoCibane, uSanele (37) loLungelo (30), kwathi koDlamini, kwatshona uZamokuhle (33). Kulesi sehlakalo, kuthiwa umlilo ongaziwayo wokhele imikhukhu yabafi ngokulandelana.
Umphathi womnyango wezokubusa ngokubambisana lezindaba zomdabu, uThulasizwe Buthelezi ohambele imideni yomibili izolo, uthe umnyango uzoyilekelela ngalo lonke usizo eludingayo, okufaka phakathi, izinhlelo zokungcwaba.
UButhelezi ubuye waveza ukuthi izophathiswa ngama alamu alakho ukuphangisa abike uma kulentuthu ebakhona, wathi lokhu kuzasiza ukuhlenga impilo.
Uphinde wayalela izisebenzi zikahulumende ukuba zibambisane, ziqinisekise ukuthi zilungise izidingo umphakathi okhale ngazo wathi zenza isimo sibe nzima kakhulu uma kusehla izehlakalo zaloluhlobo.
Phakathi kwezinto ezibalwe ngumphakathi ngamanzi.
“Ubuhlungu obuzwiwe yile mideni bukhulu kakhulu, sizoqinisekisa ukuthi asigcini nje ngokuzwelana layo kodwa sizakwenza okuthile.
—Isolezwe
