Abafundi beviyo lesine (Form 4) sebelobile imihloliso yabo yokuphetha umnyaka. Lokhu kutsho ukuthi sekusalele abeviyo lesithathu labanye kusiya phansi. Umsebenzi esiwunika lapha ngowokuphathisa laba ngoba abeviyo lesine sebewuphethile umsebenzi wabo.
Funda imitsho elandelayo:
Abafana abakhulu bayafunda.
Ngabakhulu labo.
Abakhulu abafana bayalwa.
Musa ukunatha kakhulu.
Kukhulu oza lakho.
Ayini ngohlelo lwesiNdebele amagama alandelayo? Abakhulu, ngabakhulu, abakhulu, abafana, kakhulu, kukhulu.
Bhala imitsho usebenzise ubumnini ngezindlela ezilandelayo. Ukukhomba ukuthi into yenziwe ngani. Kuchaza ukulandelana kwezinto. Ukuchaza ukuthi into iphathelani. Ukuchaza ukuthi into isetshenziswa ngani.
Ukufanekisa.
Funda imitsho elandelayo ube usuphendula imibuzo.
Wafika ekhaya bajabula.
Kaphumi endlini.
Umvule uduma ekhanda.
Umhwatshe engutsheni.
Umfana uye kuGwayi.
Ngithunywe koMoyo.
Ayini ngohlelo lwesiNdebele la amabala: ekhaya, endlini, ekhanda, engutsheni, kuGwayi, koMoyo. Chasisa ukuthi elinye lelinye lalamagama lakhiwe njani.
Funda imitsho le elandelayo bese uchaza amabala akhethekileyo ukuthi: athiwa yini ngohlelo lwesiNdebele; asebenzani kule imitsho; ehlukene ngani ngokusetshenziswa kwawo kumitsho engaphansi:
Indlu enkulu idilikile izolo.
Izolo enkulu indlu idilikile.
Indoda emfitshane idliwe yisilwane.
