Online Reporter
YiNtatheli kaMthunywa
IKHANSILI ebona ngezemihloliso kuleli, iZimbabwe School Examination Council isikhiphile impumela yemihloliso ye-Ordinary Level kaLwezi yomnyaka ka-2025
Ebikela intatheli lamuhla, uMgcinisihlalo webhodi yeZimsec uSikhwicamfundo uPaul Mapfumo uthe impumela yemihloliso izatholakala ku-portal yeZimsec kusukela ngo-4 emini yantambama lamuhla, wengeza ngokuthi izatholakala okwamalanga amahlanu alandelayo.
“Umphathintambo weZimbabwe School Examinations Council kanye labaphathi bayathanda ukwazisa ilizwe ngokukhutshwa kwemiphumela yezifundo ze-Ordinary Level zikaLwezi 2025,” kutsho yena.
“Kusukela lamuhla, mhlaka 16 Zibandlela 2026 impumela ye-Ordinary Level ka2025 izabe isitholakala kuZimsec portal kusukela ngehola lika-4 ku-website ethi; www.zimsec.co.zw.”
“Liqaphele ukuthi i-portal le izavulwa okwamalanga amahlanu kuphela. Abaphathi bezikolo bangahamba ukuyathatha impumela le emahofisini ezemfundo kusukela ngoMvulo mhlaka 19,” kutsho uSikhwicamfundo uMapfumo.
