Online Reporter
Ethel Ncube
KULEMULI yakoSibanda ebika ukuba idinga indodaba yayo uWarren Panashe Sibanda oleminyaka engu-21 yokuzalwa.
UWarren (osemfanekisweni), obehlala eZvishavane kubikwa wacina ukubonakala mhlaka 21 Ntulikazi 2025, esiyathenga isitshebo kodwa kazange aphenduke ekhaya.
Ilunga lemuli likhulume lentatheli yephephandaba likazulu ngoLwesihlanu emini, mayelana ngokucatsha kukajaha lo, lithe imuli ikhathazekile njalo idinga usizo kumphakathi ukuze imthole.
“Sicela usizo mahlabezulu. Sidinga ujaha osemfanekisweni, owacatshela eZvishavane lapho ayehlala khona.
Inombolo zakhe zocingo azingeni lakuhlobo lakubangane sesidinge sahawula. Akekho owambonayo. Ngesikhathi elahleka wayegqoke amathenisi amhlophe. Ongabe embonile angathinta abemuli kunombolo lezi: 0775878483 kumbe olodletshana atshaye ucingo emapholiseni aseduzane,” kubika owemuli
