admin
Lolu gwalo, lugwalo oluqukethe imibhalo engalotshwanga, esiyazi ngokujayelekileyo kuthiwa yi- oretsha. Imibhalo le sinanzelela ukuthi iqukethe ubuciko obumangalisayo okwamagama, njalo yimibhalo ebiqakatheke okwamagama ngenxa yokuthi ibihlanganisa ndawonye imideni etshiyeneyo, njalo iyilelyo elimukisa abantu ngempilo ezitshiyeneyo njalo iletha izifundo ezehlukeneyo. Nxa sikhuluma ngemibhalo engalotshwanga eyiyo njalo equkethe imvelo lolimi lweSiNdebele ,imvelaphi lobuqotho bolimi lwethu lweSindebele siyabe sikhangele imibhalo elandelayo,
a)Inganekwane
b)ingoma
c)izibongo zamakhosi
d)izililo zamakhosi
e)ukuphicana
f)amalibho
g)izaga lezitsho
h)inkolo.
Sizakhangela ke umbhalo munye ngamunye ,sinannzelela ukuqakatheka kombhalo munye ngamunye njalo, sihlaziya izicaphuno ezitshiyeneyo ngokuqakatheka kwazo kwezolimi kanye lemvelo yolimi ngokwalo.Okuqakathekileyo njalo yikunanzelela ukuthi imibhalo le engalotshwanga, ibililifa lolimi ngelayizolo, ngenxa yokusweleka kwentuthuko yokubhala Kanye lokugcinwa kwemibhalo eminye yahamba yalahleka ,kodwa ikhona ethile ethe yahlanganiswa ndawonye ukuze lathi sidle kulobo buciko sizwisisa ngemvelaphi yolimi lwethu LweSiNdebele. Ngeviki elandelayo, sizaqala ukuxoxa ngemibhalo le ngokulandelana kwayo.
Online Reporter