Indoda (26) ibhaxabula umkayo (15) ngesikhuni somlilo esivuthayo

The conviction has been welcomed by the National Prosecuting Authority, which described the matter as a severe violation of trust and a grave crime against a vulnerable child.

Gibson Mhaka

NGENXA yobukhwele kulendoda yesiqintini seShale eSigodini esabelweni seMatabeleland South ebihlala lontombazana oleminyaka engu-15 okwenyanga ezintathu ebotshelwe ukumbhaxabula ngoba isola ukuba usethandana labanye abafana.

Indoda le, uTendai Mkandla oleminyaka engu-26 umiswe emthethwandaba weSigodini phambi kukamantshi uNkosazana Menelisi Linda, esetheswa amacala amabili elokutshaya kunye lelokuya emacansini lomntwana ongaphansi kweminyaka engu-18.
UMkandla ulivumile icala lakhe wavalelwa ejelwe kulindelwe ukuthi aphenduke emthethwandaba mhlaka 4 Mpandula.

Umtshutshisi kulelicala uMnumzana Victor Gorejena, uveze ukuthi ngosuku olungaziwayo ngenyanga kaNhlangula ngo2025, eCapital block village, eColleen Bawn, umsolwa wakhombisa umamangala bavumelana.

Kubikwa ngenyanga efanayo, umsolwa wanxusa umamangala endlini yakhe wahamba.

Ngemva kwensuku ezimbalwa, ababili laba bathutha bayahlala esiqintini seShale, eSigodini lapho abaqhubeka behlangana emacansini.

Kubikwa mhlaka 22 Ncwabakazi, ababili laba bathi bevela esivandeni, abafana ababesendleleni batshaya ukhwelo kanti yayisiwuchithile umuthi inkonyane ngoba uMkandla wahle wathukuthela waphendukela umamangala wathi uthandana labafana laba.

Umamangala wakulandula lokhu kodwa umsolwa wazonda, wadobha isikhuni kunye logodo akusebenzisa ukumtshaya kanengi ngakho umzimba wonke.

Indaba le yabikelwa amapholisa okwenza kwasekubotshwa uMkandla.
Umamangala wahanjiswa esibhedlela ukuze ayehlolwa kunye lokwelatshwa.