Online Reporter
Ethel Ncube
KULENDODA yeChiredzi emiswe emthethwandaba weChiredzi ngeviki ephelileyo ngemva kokutholakala idlwengula umntanayo.
Umsolwa uleminyaka engu-30 ukhandwe edlwengula indodakazi yakhe eleminyaka engu-9 ngesikhathi unina eyedinga umbhida esivandeni.
Umtshutshisi uRutendo Ndibwo ubike ukuba umsolwa watholakala esenza ihlazo leli.
Kubikwa mhlaka 5 Ntulikazi kuwonalo umnyaka umama kamamangala wasuka esiya esivandeni esiyadinga umbhida watshiya umntwana elele uyise laye ekhona ngekhaya.
Uthe evela esivandeni wahlangana lembedumehlwana.
Umsolwa kubikwa waphuma engitsheni zakhe wangena engutsheni zomntwana lapho ayelele khona wamdlwengula.
Umama kamamangala wahle waqonda emapholiseni wayamangala okwadala ukuba umsolwa abotshwe.
Umantshi uJudith Zuyu udlulisele kuviki ezayo ukuthoniswa kwecala leli.
