admin
Ethel Ncube
KULENDODA yelokitshini leTshabalala koBulawayo ebotshwe ngamapholisa kulandela ukubamba umntwana obevela thatha omunye esikolo iganyavu.
UNtokozo Ngwenya oleminyaka yokuzalwa engu-48 kubikwa udale icala leli ngoMvulo kuyonale iviki.
Kubikwa umetheswacala wahlangana lomamangala esingeke samchaza ngenhloso yokumvikela oleminyaka engu-11 ehamba labanye bevela thatha omunye esikolo wamdlwengula.
Umetheswacala kubikwa walandela abantwana laba wathi sebehambe isibanganyana wathatha umntwana lo wamvala ngephepha elimnyama emlonyeni wahamba laye egangeni wafika wamdlwengula andubana abaleke.
Umamangala wafika ngakibo wabikela unina yena owahle waqonda laye emapholiseni umntwana wahanjiswa esibhedlela seMpilo.
Isikhulumi samapholisa koBulawayo uInspector Abednico Ncube uthe basaphenyisisa ngodaba lolu.
“Amapholisa akoBulawayo akhuthaza uzulu ukuba ananzelele abantu abazenza abangane babantwababo ngoba yibo abacina sebesona.
“Abantwana akumelanga bathunywe lapho okuleganga ngoba bacina besehlelwa zingozi ezifana lale,” kuphetha uInsp Ncube.
Online Reporter