admin
YiNtatheli kaMthunywa
KUQHAMUKE isililo ezitaladeni zeGoli lapho enye indoda edubule yabulala inina elileminyaka engu-22 yokuzalwa ebelithandana layo.
Umufi, ngokufakaza kwalabo abaseduzane, kubikwa ibizo lakhe nguBongi.
Kubikwa indoda eyenze isihluku lesi kunye lomufi bonke badabuka kuleli, eTsholotsho.
Kumbiko esabalale kunkundla zokuxhumana zeWhatsApp kunye leFacebook kubikwa inina leli, lidutshulwe kathathu libalele ngehola lika-2 emini ezitaladeni zeYeoville.
Umetheswacala kubikwa uthe ebona uBongie esethe daca phansi wadla phansi. Isizatho sokubulawa kwalelinina asaziwa.
Kucatshangelwa ukuba umufi ubesehlala eSoweto ngemva kokubalekela isoka lakhe leli ebelilodlame, ebeliphethe limhlukumeza njalonje.
Kuzwakale ukuba ngalelolanga, uBongi wayesiyalanda impahla zakhe kumngane wakhe wahlangabezana lesiphetho sempilo yakhe.
Indoda yezwa ngokuvakatsha lokhu, yahle yabopha iqhinga lokumbulala.
Online Reporter