Online Reporter
YiNtatheli kaMthunywa
KULENDODA yeSilobela esabelweni seMidlands etholakale ifile embhedeni wayo ngoMvulo ekuseni kulandela ukunatha utshwala obudume ngokuthi yinjengu usuku lonke.
Umuyi, uTalent Muferi (33) weMpala Complex eLoreto Business Centre ufe kuyonale iviki.
Omunye ufakazi ubikele intatheli ukuthi uMuferi watshona ngosuku lwangeSonto enatha utshwala lobu bunjalo ezitolo. Ntambama, wayesedakwe kakhulu futhi esesehluleka lokuma.
“Wayedakwe kakhulu. Ngehola lika-6 ntambama, umngane wakhe wasuka laye wamhambisa endlini yakhe, lapho amtshiya khona elele embhedeni,” kuveza ufakazi lo.
Kubikwa ngosuku olulandelayo omunye owayevakatshela uMuferi wafika ngehola lika-9 wamfica elele embhedeni njalo engasanyikinyeki.
Ebona ukuthi akaphenduli, kwabikelwa amapholisa, ahle ayachwayisisa ngesehlakalo lesi.
Isikhulumi samapholisa esabelweni seMidlands uInspector Emmanuel Mahoko, uqinisekise ukuthi uphenyo ngendoda etholakale ifile embhedeni wayo lusaqhubeka.
Uxwayise uzulu ngokunatha okwedlulisileyo utshwala.
“Sixwayisa uzulu ukuba bekele umkhuba wokunatha utshwala okwedlulisileyo, abantu kabafunde ukuzithiba futhi bangaze baphatheka ekusebenziseni izidakamizwa ngoba ziyingozi,” kutsho u-Insp Mahoko.
