Indoda ithela umkayo i-acid ebusweni

YiNtatheli kaMthunywa

KULENDODA yeKwekwe, eNkabazwe yelizwe okubikwa idakwe butshwala qede yenza umkayo isihluku, yamthela nge-sulphuric acid ebusweni.

Ngokubika kweNational Prosecuting Authority of Zimbabwe, (NPAZ) Shakemore Manyepa (30) wamiswa phambili komthethwandaba njalo okwakhathesi ugcinwe esitokisini.

Kubikwa mhlaka 26 Lwezi ngehola lesikhombisa ntambama uManyepa wafika emzini wakhe edakiwe, waqala ukutshisa ukudla ayekuthengile.

Umsolwa kuthe esetshisa ukudla ayekuthengile, umkakhe wazama ukumbuza ukuthi kungani ekwenza lokhu.
“Kwaba lokungezwani, kwaba yikho lapho umetheswacala athela umkakhe nge-sulphuric acid ebusweni,” kutsho iNPAZ.

Inina lagijinyiselwa esibhedlela, omakhelwane babika udaba emapholiseni, kwabotshwa uManyepa.

Njengoba ilizwe linanza amalanga angu-16 omkhankaso wokulwisana lodlame ngobulili, iNPAZ isebenzisa lelicala ukukhuthaza ukuthula ezimulini.

INPAZ iqonqosela umphakathi ukuthi atshiyane lodlame ngobulili. Sikhuthaza ukugcinwa kokuthula lokuxazulula inkinga kusetshenziswa umthetho.”