admin
Thokozile Mbedzi
KULENDODA yesigabeni seNketa 9 koBulawayo emangalise abantu ngemva kokuba izibophele mhla ka4 emkulwini.
Kubikwa uShadrek Nyaku oleminyaka engu29 wazibophela emkulwini ngemva kokuba umzawakhe ahlala laye emtshiye endlini yena esiya edolobheni.
Ekhuluma lentatheli kaMthunywa uMnumuzana Nkanyiso Moyo uthe lokhe bedidekile ngesenzo salindoda.
“Lokhe sididekile ngesenzo esenziwe ngundoda lowu kuyethusa njalo kuyamangalisa ukuba umuntu azibulalele emkulwini ngoba yindawo eyokuphumula abantu bethola ukuphumuza ingqondo njalo yindawo ehloniphekayo asazi ukuthi lundoda ukuthi aze azilengise emkulwini bekutheni ngumbuzo olokhu usidla njengomakhelwane singatholi impendulo ngoba katshiyanga ngitsho lencwadi,” kulandisa uMnu Moyo.
Isikhulumi samapholisa koBulawayo uInspector Abedinico Ncube ebuzwa ngodaba lolu uthe solufikile ehofisini labo ngakho uthe uzulu kadinge uxwayiswa lapho nxa ethe wahlangana lenxaki empilweni lapho esithi
“Uzulu kadinge ukuxwayiswa lapho nxa ethe wahlangana lenxaki lokwazisa izihlobo labangani babeluleke ukuze ukulahlekelwa ngempilo mahlayana okunje ngalokhu kungabikhona, kuphetha uInsp Ncube
Online Reporter