Ugqekeza ngakibo atshontshe iUS$9 000 le R30 000

Listen Ndlovu

KULOJAHA oleminyaka engu-21 omiswe emthethwandaba kuviki ephelileyo esetheswa icala lokugqekeza ngakibo atshontshe imali engange US$9 000 le 30 000Rands.

Kubikwa uArthur Maderera walandela uyise owayesesontweni yeGospel of God Church eNtumbane mhlaka 6 Lwezi wafika watshontsha amakhiye endlini emoteni kayise.

Umantshi uNkosazana Nomsa Ncube uzwe ukuthi umsolwa esethethe amakhiye waqonda ngakibo eSelbourne Park wafika wabulala isivalo sendlini yokulala kayise wasetshontsha imali engangeUS$9 000 le 30 000Rands eyayifihlwe phakathi kwekhabothi.

Umamangala wathi efika endlini wayabikela amapholisa eHillside okwenza umsolwa wabotshwa.

Ukuthoniswa kwecala leli kudluliselwe kumhlaka 26 Lwezi.

Umtshutshisi kulelicala bekunguNkosazana Hazel Ncube.

facebookShare on Facebook
TwitterPost on X
FollowFollow us
PinterestSave

Related Posts

I-ZIFA ikhala ngokwedlula emhlabeni kwabakhokheli beHighlanders
I-ZIFA ikhala ngokwedlula emhlabeni kwabakhokheli beHighlanders

YiNtatheli kaMthunywa INHLANGANISO yenguqu yakuleli, iZimbabwe Football Association (ZIFA), isiyethule amazwi enduduzo kulandela ukwedlula emhlabeni kwabakhokheli beqembu leHighlanders abathi umgcinisihlalo uKenneth Mhlophe, umsekeli wakhe uFiso Siziba lomgcinisikhwama uNkani Khoza. Ukwedlula…

Continue reading
Iyezi elimnyama kuHighlanders
Iyezi elimnyama kuHighlanders

YiNtatheli kaMthunywa UMGCINISIHLALO weHighlanders uKenneth Mhlophe, umsekeli wakhe uFiso Siziba lomgcinisikhwama uNkani Khoza badlule emhlabeni kungozi yemota eyenzakale ngoLwesine ebusuku emgwaqweni weBulawayo-Harare. Kubikwa ukuthi abathathu laba bebevela eKariba ngemva komdlalo…

Continue reading

Leave a Reply

Your email address will not be published. Required fields are marked *

×