Vusumuzi Dube
Ethel Ncube
KULENDODA yeMasvingo emiswe emthethwandaba isetheswa icala lokungena esambuzi sabomama esontweni qede ibukele owesifazana egeza ingagqize qhakala, yaziphulula isitho sayo sangasese yaze yathambisa emathangazini akhe.
Indoda le, uEdison Javangwe (23) ugwetshwe ukuyapika inyanga ezine ejele ngemva kokutholakala elecala lokungenela owesifazana esambuzi.
Umantshi uNkosazana Caroline Tafira Nyoni ngoLwesine uphinde wamhlawulisa i-S$150 ngemva kokutholakala elembanje ngesikhathi ebotshwa.
Umtshutshisi uRutendo Budai ubikele umthethwandaba ukuba umsolwa walanda umama egeza esambuzi sesontweni.
“Isehlakalo lesi senzakala ngoMgqibelo odluleyo ekuseni eManyama Bethel Church eManyama, Masvingo Rural. UJavangwe utshele umthethwandaba ukuthi wayefikelwa yimizwa okwenza wangena esambuzi sabomama kodwa wayengelanhloso yokumdlwengula.
Kubikwa uJavangwe wahlubula impahla zakhe waqala ukuziphulula. Owesifazane wezwa umsindo, wavula umnyango wabona uJavangwe eziphulula.
Inina lazama ukuvala umnyango kodwa uJavangwe wafuqa wangena wasemthambisela emathangazini. Inina leli lenelisa ukubaleka lagijima lidinga usizo. UJavangwe wabaleka wangena esontweni.
Ababona ngezokuphepha bazama ukumgijimisa kodwa behluleka ukumbamba.
UJavangwe wabuyela esontweni emini esiyathatha amabhulugwe akhe aluhlaza.
Amapholisa ambamba, amhlola athola imbanje emaphaketheni.
Online Reporter