Online Reporter
Nkosilathi Sibanda
UKUXABANA kwabangane ababili emavinkilini eGokwe, kudale ukuthi omunye acine emxhonxa ngengqamu kathathu.
URueben Ziyambi (36) ugwetshwe iminyaka emihlanu esejele, wehliselwa owodwa kukhangelelwe ukuba angadali icala elifanayo kuminyaka emihlanu ezayo.
INational Prosecuting Authority of Zimbabwe (NPAZ) ithe mhlaka 20 Mfumfu, uZiyambi lomngane wakhe baxabana kwase kuvuka umsindo, uZiyambi wakhipha ingqamu wagwaza umngane lo kathathu emhlane, esiphaqeni lasemuva kwendlebe.
Loba wayesegwazwe kanje, umngane lo wenelisa ukulwisana loZiyambi wamthathela ingqamu, wabikela amapholisa.
INPAZ ikhuthaza uzulu ukuthi atshiyane lodlame, adinge usizo endaweni yokuthi kulwiswane.
INPAZ iqhubeka ngokukhuthaza umphakathi ukuthi uxazulule ukengezwani ngokuthula kunye lokudinga izeluleko kwabanye.”
